تدري وش معناة الرجل الحقير

قصيدة .. لـ / ثامر شبيب
وكانت حيل عاجبتني ..
فحبيت انقلها لكم ..



قالوا امدح شيخ ولا امدح وزير
لجل تكسب من مديحه فايدة

قلت انا في خير واحوالي بخير
ليه ادور شي ماني رايده؟

ادري ان ما للكبير الا الكبير
الرجال تقاد والا قايده

اكره اثنين: المنافق والحقير
تستقل طيب الرجال الرايده

ان مدحت امدح وانا وجهي سفير
مدحة للحق ما هي سايده

وكأنها ما جات من قلب وضمير
مدحتي ذمه بحقه كايده

وش علي ان صادله طير يطير
لا هو بطيري ولاني صايده

من خلقني الله احب اكون غير
ما احب اكون حاجة زايده

الفقر ما عذرب اخلاق الفقير
في السنن الحاضرة والبايده

في الزمن اشياء تعني لي كثير
التمام الشمل حول المايده

ومنظر البسمة على الطفل الصغير
في نهار العيد يوم تعايده

قلتها عذري يصير اللي يصير
كل راس يرتخي لو سايده

انتبه وياي للبيت الاخير
اسمعه مني ولاني عايده

تدري وش معناة الرجل الحقير
من يصاحب رجل لجل الفايده